SEXU HEZKUNTZA EUSKAL CURRICULUMEAN

Egun bigarren hezkuntzako ikastetxe bateko ikasleei intereseko gaien zerrenda bat egitea eskatzen baldin badiegu, seguruenik sexualitatea hautatuen artean egongo da. Euren adinarekin bat datorren kontua da hau, oraindik eurei buruz, munduari buruz, ezezagunak dituzten alderdietako bat da eta. Era berean, esan daiteke ongizate orokorra lortzeko beharrezkoa dela sexu hezkuntza aproposa. Ongizate orokorrari buruz ari garenean, ongizate físiko, psikiko eta sozialaz ari gara, hots, gizakiaren sexualitatea ulertzeko eredu bio-psiko-sozialaz.
Sexu-hezkuntza honako bi ardatz hauetan finkatu behar dugu:
Informatiboa: kontzeptu fisiko eta soziala.
Orientatiboa: nola lortu bizi kalitate hobea.
Zelan landu beharko litzateke hezkuntzan (gazteekin) sexualitatea?

a) Sexu-hezkuntza integralaren ezaugarriak

-Sexu-hezkuntzak pentsamendu kritiko baterantz bideratu behar gaitu, sexualitatearen inguruko iritzi positiboak sortuz.
-Prozesu bat finkatu non pertsonak jakingo duen bera gizaki sexuduna eta sexuala dela, bizitza osoan zehar.
-Sexu-hezkuntzak pertsonei beren gorputz sexuatuak era egokian integratzen lagundu behar die, gizon edo emakume izateko era pertsonala kritikoki garatzen lagunduz.

b) Hezkuntza sexualaren helburuak

Norberaren sexuaren ondorioz munduan emakume edo gizon bezala egoteko modua garatzea.
Ikasleari bere gorputza eta gorputz irudia onartzen laguntzea nortasun sexualaren oinarri bezala
c) Landu beharreko edukiak
Sexualitatearen kontzeptua era zabal eta egoki batez
Sexualitatearen inguruko komunikazioa
Giza sexualitatea
Nortasun sexuala, desio sexuala eta afektibitatea